Feeds:
Artigos
Comentarios

Archive for the ‘Narrativa’ Category

Os Contos de Medo deste curso son o resultado da escolla de relatos de medo presentados ao concurso que todos os anos organiza o Equipo de Dinamización da Lingua Galega polo Samaín.

En anos anteriores editábanse conxuntamente cos relatos de Amor, pero este ano non foi posible porque a ese concurso non se presentou ningún texto.
Consideramos que para editar só os de medo, deberiamos engadir algo máis, e por iso contamos coa inestimable colaboración da aula de plástica de 3º da ESO, que propuso so alumnado a elaboración de debuxos acordes con cada relato.

Esperamos que vos gusten, presentaranse xunto coa revista Entrepontes nun acto do que vos manteremos informados.

Read Full Post »

Estas son algunhas das ilustracións realizadas polo alumnado de plástica de 3º de ESO para a edición do caderno cos relatos presentados ao concurso de contos de medo.

man_ana man_luisa man_paqui
medalla-belen medalla-yara nite-pechada_fatima
noite-pechada_patricia noite-pechada_veronica pesadelo-fonte_eloy
pesadelo-fonte_fran pesadelo-fonte_rai pobo-fantasma_adrian
pobo-fantasma_catuxa pobo-fantasma_elisa xardin-caseron_anxo
xardin-caseron_noela xardin-caseron_xabi

… e aínda hai máis.

Haberá que agardar pola impresión do caderno!

Preme nas miniaturas para ver os debuxos no seu tamaño orixinal

Read Full Post »

Marabilloso encontro con Manuel Rivas no Coliseo Noela, acompañado polos guitarristas Gastón Rodríguez e Miguel Ladrón de Guevara e a magnífica cantante de fados Iria Peña, que alternaban temas musicais coa lectura de diversos fragmentos da súa última novela por parte do autor. As palabras das personaxes e os ambientes transmitidos polo narrador cobraban unha dimensión diferente, mostrándose dun xeito máis real, máis vivo e inquietante.

Na segunda parte do acto tivemos a oportunidade de escoitar as respostas que Manuel Rivas improvisaba ás preguntas que alumnos e alumnas lle fixeron sobre a literatura en xeral, sobre a súa obra, e en concreto sobre “Todo é silencio”.

MRivas_coliseo2_cut_800

Deste xeito coñecimos, por exemplo, que o autor non pode establecer unha liña divisoria entre o xornalista e o escritor de ficción (sempre comprometido co seu entorno) e que se se tivese que quedar con algunha das súas obras, sería con “En salvaxe compaña”, aínda que considera que cada libro se despide del unha vez que se edita -coma os barcos no peirao- e a partir dese momento xa cobran vida propia e son un pouco tamén da autoría dos seus lectores.

O tema do contrabando na novela deu pé a varias reflexións acerca da fronteira como lugar que limita e á vez aporta liberdade, “o mundo vén sendo unha fronteira, iso dá lugar a desafíos“. A cuestión na novela tradúcese en reflexar como se foron construíndo redes ocultas que se fixeron co poder e reduciron o espazo da democracia, da solidariedade e do poder cívico. Estivemos nunha situación límite sen sermos conscientes ata que as asociacións de nais contra a droga espertaron as conciencias. Isto, xunto coas medidas xurídicas e a investigación, permitiu que se puidera recuperar a normalidade.

Preguntado acerca de que conclusión poden tirar os xoves da lectura do libro, Rivas contestou que o importante está en relación co uso da linguaxe, a súa importancia para dicir a verdade e para ocultala, para alumear o que está escuro e para ocultar o que se ve.
A linguaxe ao longo da historia da humanidade é usada para liberarse e tamén para dominar ás persoas, e o dominio máis estremo é impor o silencio… cando este gaña, estamos mortos.

Read Full Post »

O IES Campo de San Alberto xunto coa Editorial Xerais en colaboración co Concello de Noia organiza este acto no que o autor presentará a súa última novela “Todo é silencio”. A contunuación o alumnado do consello de redacción da revista “Entrepontes” entrevistará o escritor. O acto conta coa colaboración do EDLG, o Departamento de Lingua Galega e a Biblioteca do centro.

O acto terá lugar mañá venres 28 de xaneiro, ás 20h, no Teatro Coliseo Noela de Noia.

Aquí podes descargar unha invitación ao acto:
«Invitación.PDF»

Read Full Post »

Domingo Villar Domingo Villar encheu o espazo baleiro entre el e o alumnado de 1º e 2º de Bacharelato o pasado xoves 20 de Xaneiro cunha charla distendida na que o autor puido compartir connosco as circunstancias e vivencias que o levaron ata o oficio de escribir xa dende a súa nenez, “cando se fan redaccións e contos … e case por razóns de evolución darwinista acabas escribindo novelas”.

Sempre soubo que quería contar historias pero non era moi falador e axiña se decatou de que escribir ten máis que ver con ter os ollos e as orellas abertas máis do que a boca.

Falounos da súa produtora audiovisual en Madrid na que escribía guións de todo tipo e que levou por diante os seus aforros de toda a vida así como os seus soños e ilusións. Tivo que partir de cero e decidiu que quería controlar todo do resultado final do que creaba, por iso se decidiu a escribir narrativa.

A novela negra pareceulle a mellor fórmula para manter a intriga do lector ata o final – que é o que todo escritor busca – e agora considera que ten o que para el é o mellor oficio do mundo, que segundo el consiste en construír un xigantesco puzzle de 40.000 pezas que logo terá que montar o lector.

Domingo Villar naceu en Vigo en 1971 e na súa obra literaria destacan dúas novelas de grande éxito galardoadas con varios premios e traducidas a diversos idiomas: Ollos de auga, de 2006, e A praia dos afogados, de 2009.

praia_Panxón

Imaxe modificada de wikimedia.commons: Panxón, Nigrán. Galiza.

Read Full Post »

bruxa_e_morcego_240

Na celebración do Samaín o pasado venres 29 de outubro tivo lugar a entrega de premios do concurso de Contos de Medo.

No medio da inquedante decoración de cabazas-caveira e morcegos, co susto da aparición dun fato de pantasmas terroríficos que resultaron ser o alumnado da Aula Específica e arrepiando despois de ver a curta “Medo” de vinte10, aínda quedaron azos para entregar os premios.

Os relatos premiados nesta edición son:

  • 1º premio: “A medalla”, por Adriana, de 2º de bacharelato.
  • 2º premio: “A man”, por Iria, de 4º de ESO.
  • 3º premio: “A búsqueda”, por Nerea, de 2º de ESO.

Velaquí o relato gañador
do primeiro premio:


A MEDALLA

Dende logo que aquela viaxe ía ser con diferenza a peor da súa vida. Xiandra sóuboo no mesmo momento en que seus pais llo anunciaran, naquel xusto momento en que súa nai pronunciou “GALICIA” e dixo que estarían coa avoa na casa familiar de Portosín.

seguir lendo “A medalla”

Read Full Post »

Older Posts »