Feeds:
Artigos
Comentarios

Archive for the ‘Literatura’ Category

O alumnado de 1º de Bach saíu o xoves 5 de Maio a Panxón para percorrer os escenarios de A praiados afogados.

Ao chegar alí xuntáronse con outros centros e subiron a Monteferro, un dos lugares onde acontecen os principais feitos da novela. Alí, o froiteiro do pobo explicoulles a toponimia e a talasonimia da zona e ensinoulles as illas onde se afundiu “ O xurelo “. Logo fixeron un pequeno roteiro camiñando para logo baixar á Praia da Madorra, que é propiamente a praia dos afogados,onde apareceu o morto que
investigaron Estévez e Leo Caldas.

Subiron logo ao templo votivo e rematamos en Praia América, onde lles dixeron adeus aos seus compañeiros.

Continuando pola costa cara a Vigo viron o lugar onde se cometera o 1º asasinato da 1ª novela de Leo Caldas, en Toralla, e buscamos na ría por se aparecía algún cadáver máis, pois cerca de Domaio sabemos que acontecerán os feitos da seguinte novela de Domingo Villar, segundo nos dixo cando estivo no noso instituto.

Gerardo Rodríguez, profesor de Ciclo de Electrónica.


Read Full Post »

O profesor de Matemáticas, Julio Caamaño, encárgase da recollida dos libros editados con anterioridade ao ano 1950. Dous libros do século  XVIII e ata vinte do XIX ademais de valiosísimos exemplares do século XX editados  ata o ano 1950 é o catálogo recopilado entre alumnado e profesorado do centro. Hai, por exemplo, un exemplar de Na noite estrelacida, de Cabanillas, de 1936.

Preme aquí para ver o catálogo:
Catálogo da Exposición do Libro Antigo PDF

Read Full Post »

O irmán do autor a quen se lle adica este ano o Día das Letras Galegas,Xosé Manuel Pereiro, tivo a deferencia de escoller o noso centro como un dos poucos aos que se achegou na súa apretada axenda durante este mes.

Como el mesmo di, nestes días íspese diante dun público curioso da figura do seu irmán, cuxa vida foi repasando dende a infancia, parándose a mostrar os seus primeiros poemas escritos con 15 anos e as fotografías que ilustraban os seus recordos comúns. Eran poemas adicados á persoa da que estivo namorado toda a súa vida, e xa dende aquela expresara a súa intención de escribir en galego como Manuel Antonio. O destino fixo que tamén morrera novo coma el.

Da época da xuventude destacou a capacidade de observaciónde Lois  e o seu interese por viaxar aos países de onde eran orixinarios os seus escritores preferidos, e á pregunta dunha alumna sobre como definiría ao seu irmán cunha palabra contestou  dandi aínda que tamén encaixaría con el ironía.

Finalmente léronse poemas e visionáronse traballos multimedia relacionados co autor.

Moitísimas grazas, Xosé Manuel, unha vez máis, por achegarte a Noia, coñecedores como somos da axenda maratoniana que levas con humor.

Xosé Manuel Pereiro, Monforte de Lemos,1956

Licenciouse en Ciencias da Información pola Universidade Complutense de Madrid. Na capital de España fundou xunto a Antón Patiño, Manuel Rivas e o seu irmán Lois Pereiro a revista Loia.

Foi redactor ou colaborador de diferentes medios escritos e radiofónicos (Faro de Vigo, La Voz de Galicia, La Opinión da Coruña, El País, Ondas Galicia, Radio Nacional), así como director e guionista de programas de televisón en TVG e TVE, así como no portal Bravu.net.

Actualmente é o decano do Colexio Profesional de Xornalistas de Galicia.

Información sacada da Wikipedia.

O seu twitter: http://sihomesi.com/

Read Full Post »

Jorge García-Valenciano e Gerardo Rodríguez nos presentan esta nova creación a partir dun poema de Lois Pereiro.Agardamos que vos guste.

Read Full Post »

Marabilloso encontro con Manuel Rivas no Coliseo Noela, acompañado polos guitarristas Gastón Rodríguez e Miguel Ladrón de Guevara e a magnífica cantante de fados Iria Peña, que alternaban temas musicais coa lectura de diversos fragmentos da súa última novela por parte do autor. As palabras das personaxes e os ambientes transmitidos polo narrador cobraban unha dimensión diferente, mostrándose dun xeito máis real, máis vivo e inquietante.

Na segunda parte do acto tivemos a oportunidade de escoitar as respostas que Manuel Rivas improvisaba ás preguntas que alumnos e alumnas lle fixeron sobre a literatura en xeral, sobre a súa obra, e en concreto sobre “Todo é silencio”.

MRivas_coliseo2_cut_800

Deste xeito coñecimos, por exemplo, que o autor non pode establecer unha liña divisoria entre o xornalista e o escritor de ficción (sempre comprometido co seu entorno) e que se se tivese que quedar con algunha das súas obras, sería con “En salvaxe compaña”, aínda que considera que cada libro se despide del unha vez que se edita -coma os barcos no peirao- e a partir dese momento xa cobran vida propia e son un pouco tamén da autoría dos seus lectores.

O tema do contrabando na novela deu pé a varias reflexións acerca da fronteira como lugar que limita e á vez aporta liberdade, “o mundo vén sendo unha fronteira, iso dá lugar a desafíos“. A cuestión na novela tradúcese en reflexar como se foron construíndo redes ocultas que se fixeron co poder e reduciron o espazo da democracia, da solidariedade e do poder cívico. Estivemos nunha situación límite sen sermos conscientes ata que as asociacións de nais contra a droga espertaron as conciencias. Isto, xunto coas medidas xurídicas e a investigación, permitiu que se puidera recuperar a normalidade.

Preguntado acerca de que conclusión poden tirar os xoves da lectura do libro, Rivas contestou que o importante está en relación co uso da linguaxe, a súa importancia para dicir a verdade e para ocultala, para alumear o que está escuro e para ocultar o que se ve.
A linguaxe ao longo da historia da humanidade é usada para liberarse e tamén para dominar ás persoas, e o dominio máis estremo é impor o silencio… cando este gaña, estamos mortos.

Read Full Post »

O IES Campo de San Alberto xunto coa Editorial Xerais en colaboración co Concello de Noia organiza este acto no que o autor presentará a súa última novela “Todo é silencio”. A contunuación o alumnado do consello de redacción da revista “Entrepontes” entrevistará o escritor. O acto conta coa colaboración do EDLG, o Departamento de Lingua Galega e a Biblioteca do centro.

O acto terá lugar mañá venres 28 de xaneiro, ás 20h, no Teatro Coliseo Noela de Noia.

Aquí podes descargar unha invitación ao acto:
«Invitación.PDF»

Read Full Post »

Older Posts »