Os debuxos dos contos de medo, feitos por alumnado de 3º ESO

Portada Elisa Soutullo	A man Paqui Leis
A medalla Belén Freire	Noite pechada Fátima García
O pesadelo da fonte Rai García	O xardín do caserón Noela Barreiro
Contraportada Patricia Gandarela	Pincha nos debuxos para velos no seu tamaño orixinal

Advertisement

Read Full Post »

O obradoiro de Abraham Carreiro visto por dúas alumnas de 1º de ESO

 O xoves 5 de Maio Abraham Carreiro veu a ensinarnos tipos diferentes de debuxos e algúns trucos para debuxar mellor. Primeiro ensinounos como facía el e logo puxémonos mans á obra. Cada personaxe ten que ter a medida de 7 cabezas de debuxamos calquera personaxe que se nos ocurrira en diferentes medidas. O máis fácil foi inventar os ollos, a boca … e o máis difícil, tentar debuxalo exactamente como o imaxinamos. Gustounos moito este obradoiro de Abraham Carreiro porque para nós debuxar é moi importante, e máis se é divertido.

Alicia Fontenlos e Elvira Cadarso, 1º A

Read Full Post »

Obradoiro de comic impartido por Abraham Carreiro

 

O xoves 5 de maio tivemos un obradoiro de cómic con Abraham Carreiro. Debuxou en pouco tempo varias personaxes que ía creando co alumnado, unha cigoña viaxeira con zapatos de tacón, un sinchan ensinando o cuíño, un home espido e varios máis. Ensinounos a facelos tendo en conta as proporcións, comézase pola cabeza e o resto ten unha medida equivalente a sete cabezas, aínda que podemos variar esa proporción. Tamén xogamos coas expresións das caras, alegres, tristes, enfadadas …

Abraham Carreiro é un profesional da ilustración, di que o que máis lle gusta é a ilustración infantil e a político-social na prensa, mais tamén deseña logotipos, realiza debuxos de animación, cómics. Pasou por Belas Artes e Artes Gráficas, e aprendeu moito do seu pai Pepe Carreiro.

En breve contaremos con algunha das súas publicacións na Biblioteca do centro.

Inma Rodríguez, profesora de Grego e Plástica

Read Full Post »

Todos os mares

          … Foi o mar de Lariño quen nos acolleu o pasado mércores 27 de abril da man de Jorge García-Valenciano. Estivemos a Aula Específica e as aulas de 1º de ESO do noso centro participando nesta proposta. Percorrimos toda a praia, partindo do faro, á procura de diversos materiais para realizar un catálogo de obxectos curiosos: todos tiñan unha posibilidade plástica, todos podían formar parte dun proxecto artístico. Esa foi a mensaxe que Jorge quixo achegarnos. El (xa sabedes que traballa nas artes plásticas) recolle as crebas que o mar deposita nas praias co propósito de incorporalas a unha obra de arte. Así “rescatamos” un asento de coche, múltiples envases de plástico, unha pina, varias boias e cabos (que no mar a única corda é a do reloxo), unha caixa de refrescos, dúas bulsas, pequenas pedras con formas diversas, unha bandeira cunha mensaxe, latas, algas arrincadas do fondo, anacos de redes, tiras de espuma, unha esponxa artificial, pólas de árbores, unha táboa, botellas sen mensaxes nin etiquetas…. Umm!, e que máis?

          Recollemos, pois, nós tamén as crebas como fixeron durante moitos anos as nosas antepasadas, os nosos antepasados. Nesta ocasión cun novo obxectivo: de todo podemos tirar un proveito artístico. De paso limpamos un pouco a praia de moitos obxectos que non teñen alí o seu lugar e houbo quen se deu un baño.

Inma Rodríguez, profesora de grego e de plástica.

Read Full Post »

As ilustracións para os contos de medo

Estas son algunhas das ilustracións realizadas polo alumnado de plástica de 3º de ESO para a edición do caderno cos relatos presentados ao concurso de contos de medo.

		… e aínda hai máis. Haberá que agardar pola impresión do caderno! Preme nas miniaturas para ver os debuxos no seu tamaño orixinal

Read Full Post »

Léxico tecnolóxico

No taboleiro de normalización dinamización da lingua (galega) caeu unha folerpada de termos tecnolóxicos, e nos corredores e por todos os recunchos do instituto apareceron cartolinas cos nomes dunha morea de aparellos e enxeños.

Parece ser que a ocorrencia foi tomada da páxina “Revoltallo de termos” do sitio tecnoloxia.org e que os letreiros foron confeccionados na aula de plástica.

Read Full Post »